BEIJING: Saudi Crown Prince Mohammed bin Salman toh Thursday te Beijing te punchise, tate etu raja laga maksat toh high-profile Asia tour te partnerships bonaibole.
Mohammed toh Chinese President Xi Jinping logote Pakistan aro India te jowa bicche te Chinese capital te tai laga twei-din trip te logpabole ase.
Tai laga tour pora dekhai ase ki Saudi journalist Jamal Khashoggi ke Istanbul laga Saudi consulate te moraikena kingdom aro prince laga bodnam hoilebi Riyadh logote sathi khan etiya bi ase.
Chinese foreign ministry pora koise ki Beijing laga dangor maksat laga Belt and Road global trade infrastructure initiative toh agenda te thakibo, tate etu tweita desh toh tai khan laga economic rista bhal koribole sabo.
“Saudi Arabia logote besi capital ase, etu toh laab pabole laga jakka bisari kena julaibole bisaribole laage,” Saudi energy and industry minister Khalid bin Abdulaziz Al-Falih pora China laga official Xinhua news agency ke koise.
“China toh market besi howa pora invest koribole bhal jakka ase,” tai pora koise.
Pakistan te, monarch pora $20 billion laga investment deals sign korise.
Wednesday te, etu monarch Indian Prime Minister Narendra Modi logote log paise, kono pora Saudi Arabia te tai khan laga dangor crude suppliers koikena maaniye.
PM Modi logote tai laga meeting bicchete, Mohammed pora koise ki kingdom pora “konoba fileds te $100 billion opor” te investment moka dekhise.
Mohammed pora PM Modi logote adangwati ke mittai dibole laga wada korise, tate tai jun laga meeting laga samoy toh India ke suicide bomb hamla howa pora Pakistan ke bodnam koriya samoy thakise. Pakistan toh Saudi laga dangor sathi ekta ase.
Tai laga China visit toh tai khan laga kingdom laga sobse dangor dushman, Iran, laga parliament speaker, Ali Larijani, jaikena Wednesday te XI logote logpowa bicchete ase.
Saudi Arabia pora Iran ke adangwati logote modot diye koikena bodnam korise aro etiya juli thakiya Gulf state Qatar logote khilaf sanctions campaign laga hisa ase.
Add Comment