Assam: Grenade hamla Assam Police camp opor, char jun jokhom hoi she Tinsukia te

Guwahati, March 22, 2026: Kumba manu para Assam Police Commando Camp, kunto jagun Mile 10 te ase, etu laga hamla kure she Sunday laga phohor pahen. Hamla toh 2 am pahne hoi she, grenade para hamla kure she, aro etu piche te bunduk para gule mare she koi she.  Betor manu khan para etu hamla laga opor te eku koinai, hoile be suspect ase ki etu hamla toh ULFA para kure she, police khan laga hesab te. Commandos khan be juldi wapas hamla kure she, 30 minute neshe na karne jakara kure she. Etu te char jun jokhom pai she, tin jun toh beshe bea para jokhom pai nai, hoile be ekta toh beshe bea para jokhom hoi she koi she. Tai khan etia medical treatment lo ase koi she. Jokhom pa khan laga nam toh Chitrangjan Milli, Devashis Bora aro Ravi Gar ase, tai khan toh commandos khan ase Jorhat te para. Tinsukia te enia jamala beshe case ase. Authorities khan para combine operations, rasta block aro hawa te para sa ase, hamla kurea manu khan ke dure bole karne.