Agencies: Cristiano Ronaldo, Juventus logote Champions League mission toh Wednesday din te Atletico Madrid para rukhaishe. Atletico Madrid toh Juventus khilaf te 2-0 para jeetishe. Champions League laga last 16 laga 1st leg match Juventus aro Atletico khilaf te bishi thrilling match thakishe. Etu match toh Wanda Metropolitano te hoishe. Ronaldo toh Spanish capital te wapas ahishe. Ronaldo toh etu jaga te Real Madrid logote Atletico Madrid khilaf te jeetishe. Hoile bhi etu bar toh tai kihan laga rivals toh khushi manaishe. Atletico Madrid nimite Jose Gimenez aro Diego Godin para goal mari dishe. Etu nimite Atletico Madrid toh Champions League laga quarter-finals toh olop dekhibole pari ase. Atletico coach Diego Simeone koishe ami khan etiya tok toh quarter finals te toh pungcha nai. Ami khan aro ekta match khelibole ase. Aro moi jani as eke ami khan toh dhuk pabole ase.
Juventus boss Massimiliano Allegri koishe ami khan toh olop para third goal panai. Result toh 2-0 he thaka nimite ami khan etu result toh ghurai dibole paribo. Ami khan etiya tok toh mura nai.
Hoile bhi etu jeet toh Simeone laga side toh pabole pura deserve kure. Antoine Griezmann para crossbar te duibar marishe. Aro etu dui bar bhi VAR toh estimal kurishe. Hoile bhi thik para he decision toh Juventus laga side te jaishe.
Add Comment