WASHINGTON: Thursday din te White House koishe President Donald Trump Syria para troops wapas mati luwa pichete US military pra Syria te duiso (200) genika troops rakhibo koishe.
White House spokeswoman Sarah Sanders koishe olop samay nimite Syria te shanty banai rakhibole duiso (200) genika troops khan rakhibo koishe.
Etu announcement toh April 30 te Donald Trump para dui hazar (2,000) US troops khan Syria para wapas matilubole laga kotha ke criticize kura pichete ahishe. President Donald Trump nijor laga Republican Party khan para President laga etu kadam toh bhal laga nai.
December te Trump para Syria te Islamic States opor te jeet pa declare kurishe. Etu toh hazar jihadists khan tai khan laga akhri jag ate larai kuri thakile bhi.
Acting Defence Secretary Patrick Shanahan para jua hafta Europe te vist kurishe aro tate tai tai khan laga allies khan ke Syria te troops khan laga presence toh banai kena rakhibole convince kuribole koishe. Etu toh US khan para Syria para tai khan laga troops withdraw kuribole laga kotha aha pichete ase.
Hoile bhi tai dusra desh khan ke manabole para nai. Kile American khan nwapas ghurai ja samay te tai khan nijor laga troops khan laga jeevan khatra te rakhibo.
Add Comment