March 27, 2026: Itu 14th Nagaland Legislative Assembly laga Eight session laga Phase – II laga last din, bishi alag alag legislator khan para appreciate kuria laga express kurishey, itu State Budget 2026–27 nimitey, NLA Hall, Kohima tey, 27th March, 2026 tey.
Industries & Commerce nimitey Advisor – Hekani Jakhalu para itu discussion khan initiate kuri thaki kena, tai para itu State Budget 2026- 27 describe kurishey, visionary aru futuristic hisap tey.
Itu Budget laga aru bhi dangor vision highlight kuri kena, Jakhalu para state kurishey ki, financial challenges khan face kuri thakilebi, itu government toh hoiley committed thaki kena asey, ekta “Viksit Nagaland” build kuriboley karney. Tai para note kurishey ki, itu Budget toh hoiley itu Sustainable Development Goals logotey align kurey aru itu para ekta safa roadmap provide kurey, inclusive growth, improved governance, aru sustainable development nimitey.
Tai para agricultural aru allied sector khan tey step khan loi thaka laga acknowledge kurishey, modern farming, horticulture, aru value chain development khan thaki kena, farmer khan laga income enhance kuriboley aru food security ensure kuriboley.
School Education aru SCERT nimitey Advisor – Dr. Kekhrielhoulie Yhome para appreciate kuria laga express kurishey, itu State Budget 2026–27 nimitey, itu general discussion laga homoi tey, tai para itu CM laga naam uthaishey, itu toh ekta progressive financial roadmap asey koi kena.
Add Comment