Texas, 28 March : Tejaswin Shankar nijor decathlon season strong start korise David Noble Relays 2026, San Angelo te 7947 points loi gold jiti loise.
Tai laga score agey te national record (7826 points, Poland te set kora) pora besi hoile bhi, etu officially record nohoi, karon wind-assisted ase aru World Athletics rules hisabote excessive tailwind thakile record accept nohoi. Etu meet National Collegiate Athletic Association under te hoise, kitiia eki wind rule follow korise.
Competition bhitor Tejaswin Shankar bishi event te personal best achieve korise:
• 100m: 10.59 seconds
• Long jump: 7.66 meters
• Shot put: 13.98 meters
• Pole vault: 4.35 meters
Tai clear margin te jiti loise, Emil Uhlin (7773 points) aru Dorian Charles (7720 points) ke pichhe rakhise.
Add Comment