BHADOHI, UTTAR PRADESH: Saturday din te carpet factory te explosion huwa nimite dosta manu murishe. Etu phuta saman toh agay te crackers nimite use kuri thakishe. Etu ghatna toh Uttar Pradesh laga Bhadohi district te hoishe. Khobor hesab te etu explosion toh building bhitor te crackers rakhi kena thaka nimite hoishe.
Khobor hesab te blast laga tagot toh eman thakishe ke building toh pura bhangi kena geri jaishe. Khobor hesab te etu explosion nimite teenta ghor te geri jaishe koishe. Dekha hesab te etu blast huwa nimite building laga tukra khan toh pura jaga te jai jaishe.
News agency PTI laga khobor hesab te earthmoving saman khan bhi etu ghatna huwa jag ate relief aro rescue nimite ani kena ase. Forensic experts aro National Disaster Response Force (NDRF) laga team bnhi etu ghatna huwa laga site te pungchishe koishe.
Piyush Shrivastava, IG, Varanasi koishe ketiya blast hoishe, carpet factory te kunba manu khan kaam kuri thakishe koishe. Etu jag ate illegally crackers banai thakishe. Building bhitor te manu khan aro fasi kena thakibole toh chance nathakibo koishe.
Tai koishe etu ghatna opor te kun manu bhi complaint kura nai koishe.
Add Comment