Morocco, 2 March : Kynan Chenai aru Aashima Ahlawat bhal fight korise, kintu duijon ekdom 1-point difference karone finals reach koribo parianai ISSF World Cup Shotgun te, juntu etiya Tangier te cholise.
Kynan Chenai 119 score (24,24,24,24,23) kori 13th position te finish korise, ketiya Aashima Ahlawat 111 (22,22,21,22,24) korina 14th spot te thakise.
Reigning Olympic champion Nathan HalesGreat Britain pora 123 score kori men’s qualification top kori ase. Women’s side te Jessica RossiItaly pora 121 score loina top te ase.
Host nation Moroccoor Driss Haffari 120 score loi men’s trap te last qualification spot lobo parise, aru Turkeyor Rumeysa Pelin Kaya 112 score loina women’s final berth lobo pari.
India laga shooters khan bhi mixed results pai ase. Bhowneesh Mendiratta itu pichete 39th position te finish korise, aru Prithviraj Tondaiman 57th te thakise. Women’s te Kirti Gupta 32nd aru Rajeshwari Kumari 37th position hasil korise.
RPO shooters khan majot Md. Asad Sultan 108 aru Sharan Susheel Gyanchand 104 score korise, ketiya women’s te Shreshtha Sisodia aru Preeti Rajak 104 aru 103 score kori ase.
India laga performance skeet event te bhi besi bhal huanai. Itu last din (Thursday) te Trap Mixed Team event thakibo, juntu te India etiya medal bisari ase, aru team khan bhal perform koribo kuina asha ase.
Add Comment