Jail Inspection Cum Legal Awareness Program Loishey, Phek District Tey

April 12, 2026: Jail Inspection Cum Legal Awareness Program organize kurishey, Phek District Legal Services Authority para, Nagaland State Legal Services Authority logotey collaborate kuri kena, kuntu toh hoiley, 10^th April, 2026 tey para loishey, District Jail, Phek tey para. NSLSA laga member secretary – Neiko Akami para ekta khata speech deliver kurishey, legal awareness laga importance highlight kuri kena, aji kali laga society tey aru free legal aid extend kuriboley lagi thaka laga janaishey, komjur thaka group khan ke. Tai para stress kurishey ki, inmate khan aru convict khan ke itu services available thaka opor tey inform kuriboley lagey, aru tai para itu facility khan chulaboley karney encourage kurishey. Tai para itu bhi state kurishey ki, itu Phek Jail visit kuria laga asol purpose toh hoiley, ensure kuriboley karney ki, inmate khan thoh hoiley basic facility khan pai kena asey koi kena, aru itu situation document kuriboley, itu competent authority submission kuriboley nimitey, lagi thaka action nimitey. Itya karney, District Jail Phek tey 11 convict khan aru 8 undertrial prisoner khan ke rakhi kena asey. PDLSA laga ekta panel lawyer – Thomeweu para “Early Release of Convicted Persons” laga topic opor tey kotha kurishey. Tai para inmate khan ke inform kurishey, tai khan laga right khan aru entitlement khan opor tey, aru legal provision khan laga important explain kurishey, prisoner khan aru itu public laga related tey.