Philadelphia , 14 April : Doc Rivers officially Milwaukee Bucks laga head coach post pora step down kori dise Monday te, duita saal tenure pichete.
Itu decision ahise ekta disappointing season pichete, juntu Milwaukee Bucks 32-50 record logot finish korise, aru Philadelphia 76ers logot last match te 126-106 pora harise. Itu 2013-14 pichete sabse bura record aru 2015-16 pichete first time playoffs miss korise.
Doc Rivers laga contract te ekta saal baki ase, aru reports hisaab te club tai ke baki thakia pay kori dibo. Etu bhi kotha cholise ki tai future te front office role loi jabo pare 2026-27 karone.
Tai laga tenure te, Milwaukee Bucks 97-103 record loise, juntu Adrian Griffin ke replace kori January 2024 te start hoise. Duibar playoffs first round te exit hoise.
Season te internal issues bhi thakise, specially star player Giannis Antetokounmpo logot. Tai matro 36 games khelise, kintu tai koise ki season end te khelibole fit thakise.
Doc Rivers August te Naismith Memorial Hall of Fame te induct hobo. Tai 27 saal coaching career complete kori ase, 1,194-866 record logot, aru all-time wins list te sixth position te ase. Tai Boston Celtics ke 2007-08 season te NBA Championship jitai dise.
Tai coaching career start korise Orlando Magic logot 1999-2000 season te, juntu season te Coach of the Year award bhi jitise. Los Angeles Clippers, Philadelphia 76ers aru last te Milwaukee Bucks logot coaching kori ase.
