Arunachal: 11.61 grams laga heroin pau she NH 415 te, ek jun ke dure she

Itanagar, April 19, 2026: Itanagar police khan khobor pai kena, bea dawai beka manu ke dure bole pare she, tai laga hath te para heroin dawai pai she. Police khan laga hesab te, April 17 6:30 pm phane te, tai khan khobor pai she ki, bea dawai khan hela ase koine. Khobor pa logo te, tai khan operation shuru kure she, Chandan Nagar Brigde te, kunto National Highway- 415 te ase. 7:20 pm te police khan para Assam laga registration laga gari ekta rokhai she. Gari chola manu laga nam toh Dip Das thake she, tai toh West Bengal laga Cooch Behar te buhea koi she, aro etia karne Chimpu te buhea ase koi she. Tai logo te keta 19 sal maiki be thake she, kun West Kameng district te para ase. Gari te besarea homoi, bea dawai lokai kena pai she. 11.61 grams laga bea dawai pai she koi she. Ekta case register hoi she Itanagar Police Station te, aro investigation khan ja ase.