New Delhi, 23 April : India te Top Gun laga 40th anniversary celebrate koribole ase, aru itu part hisab te Tom Cruise laga iconic film tu theatres te re-release hobo.
Paramount Pictures Thursday te announce korise ki 1986 blockbuster Top Gun aru tai laga 2022 sequel Top Gun: Maverick duita bhi India te special one-week theatrical run karone re-release hobo. Pete ‘Maverick’ Mitchell ke May 15 pora big screen te dekhibole pabo.
1986 te release kora Top Gun ekta revolutionary hit ase, juntu aerial battle, dogfight aru US Air Force pilot laga glam life dikhaise. Story tu elite Navy pilot khan laga upor ase, juntu Fighter Weapons School, mane “Top Gun” te train kori thake aru best hobo karone compete kore. Itu film tu Tom Cruise ke 80s te top box-office star bonai dise. Film tu direct kori ase Tony Scott, aru cast te Val Kilmer, Anthony Edwards, Kelly McGillis, Meg Ryan aru Tom Skerritt bhi ase.
36 saal pichete, Tom Cruise return korisey Top Gun: Maverick te. Itu te Maverick 30 saal pora service pichete Top Gun te ahise, new pilots khan ke ekta special mission karone train koribo karone. Tai Bradley ‘Rooster’ Bradshaw logot bhi encounter kore, juntu tai laga purana dost Goose laga lora ase.
Top Gun: Maverick worldwide $1.5 billion pora besi kamai korisey aru 2022 laga number 1 film hoise, aru Paramount Pictures laga history te highest-grossing film bhi hoise. Film tu direct korisey Joseph Kosinski, aru cast te Miles Teller, Jennifer Connelly, Jon Hamm, Glen Powell, Monica Barbaro, Lewis Pullman, Ed Harris aru Val Kilmer ase.
Etu logot, franchise laga third instalment bhi announce kori dise, aru Tom Cruise return koribo kuina expect kori ase.
Add Comment