JAKARTA: Wednesday te Indonesian officials koishe bachabole aha manu khan tai khan laga pharwa (spades) aro rosi (ropes) khan ani kena mati te ghusi (bury) kena thaka 60 manu khan ke bachabole kosis kuri thakishe. Etu ghatna toh illegal gold mining collapase huwa nimite ase. Gold mine toh Sulawesi island te ase. Etu ghanta para komti hoile bhi teenta (3) manu murishe.
Rescuers koishe tai khan fasi kena thaka manu khan laga awas hunibole pari ase. Manu khan toh North Sulawesi province laga Bolaang Mongondow area te muddy hillside laga mining shafts te hoishe. Rescuers khan bisas kuri as eke bishi manu khan toh etiya bhi bachi kena thakibo.
Indonesia laga disaster agency laga Abdul Muin Paputungan para Reuters ke phone para koishe ami khan janibole pari as eke bishi manu khan toh etiya bhi bachi kena thakibo. Kile koile ami khan fasi kena thaka manu khan laga awas toh hunibole pari ase. Mati gera laga kunba side khan te toh hawa toh aha-ja kuribole pari ase.
Disaster mitigation agency aro media laga khobor hesab te Wednesday (0100 GMT) te rescuers khan para teenta manu laga dead bodiesulaishe. Aro 15 manu khan ke bachaishe. Etu rescue operation toh Indonesia laga time 8am te hoishe. Etu ghatna toh Tuesday laga saam te hoishe. Indonesian government para enika chutu -scale gold mining khan toh ban kuri dishe. Hoile bhi regional authorities khan para remote jaga khan te enika kaam kuri thaka toh nadekha genika kuri thake. Etu kaam te olop regulations khan thaka nimite mines te ghatna hubole aro bishi chances thake.
Paputungan koishe search-aro-rescue teams aro military officers khan toh fasi kena thaka manu khan ke bacha bole nimite meli kena kaam kuri ase. Hoile bhi tai khan toh pharwa (spades) aro rosi (rope) genika simple saman khan he loi kena kaam kuri ae. Kiel koile situation toh etiya bhi khatarnak ase. Mati toh etiya bhi slide nohoile bhi shift hubole genika ase.
Tai koishe victims khan laga families khan toh khobor pabole nimite mine site te he juma kuri rukhi ase.
Add Comment