DEHRADUN: Wednesday din te Uttarakhand te Mussoorie aro Nainital laga hill resorts te aro taaza borop gerishe.
Met official koishe Mussoorie aro Nainital laga famous Mall Roads te Tuesday rai para taaza borop geribole suru hoishe. Fusur te etu jaga khan te borop para pura bon hoi jai kena thakishe.
Mussoorie jaga laga opor area khan te intermittent borop gera toh continue kuri ase.
Mussoorie laga Lal Tibba aro Gunhill laga tourist points khan pura white blanket paa bon hoi kena thakishe. Nainital lake laga surrounding hills khan bhi borop para bon hoi kena thakishe.
Authorities koishe Dhanaulti-Mussoorie rasta bhi din laga olop samay agote bishi borop gera nimite block kuri kena ase.
Garhwal aro Kumaon hills laga ucha jaga khan te bhi bishi bhari borop gerishe. Garhwal laga Badrinath, Kedarnath aro Auli aro Kumaon region laga Munsiyari te bhari borop gera continue kuri ase.
Dehradun te Tuesday rati para baris geri ase.
Add Comment