Samoa, 28 April : Sports te, India laga weightlifter khan Commonwealth Youth and Junior Weightlifting Championships te khub bhal performance dikhaise, aru competition laga second din te charta gold medal jiti loise.
Sunil Singh men’s 65 kg category te total 271 kg lift kori gold jitisey. Aisangfa Gogoi women’s 58 kg category te 185 kg total lift kori top prize jitisey. Abhinob Gogoi men’s 71 kg division te total 284 kg lift kori gold secure korise.
Universal Cup te, Arunachal Pradesh pora Charu Pesi men’s 65 kg category te 289 kg total lift kori gold jitisey. Sahdev Yadav, Indian Weightlifting Federation laga president, athlete khan, coach aru support staff ke congratulate kori dise, aru koi dise ki etu achievement khan taikhan laga hard work dikhaise aru global weightlifting te India laga strength barhi thaka confirm kori dise.
Add Comment