New Delhi, 6 May : Spirit etiya recent time laga most awaited film khan majot ekta hoi ase. Sandeep Reddy Vanga direct kora etu film, theatre te next bochor March 5 te release hobo kuina plan ase. Kunba rumor chali thakise ki release December te shift hobo pare, kintu makers khan etu kotha deny kori release date clear kori dise.
Film te Prabhas aru Triptii Dimri main role te ase. First look January 1, 2026 midnight te release kori thakise, juntu online te dangor reaction pai thakise. Poster te Prabhas ekdom gritty look te, lamba chuli, body te bruise aru intense vibe logot dikhaise, aru Triptii tai side te thaki cigarette jalai diya, ekdom raw tone set kori dise.
Etu film Prabhas aru Vanga laga first collaboration ase. Vanga laga last film Animal hoise. Prabhas birthday time te October te, Vanga ekta ‘sound story’ teaser bhi release kori thakise, juntu te ek ex-cop laga interrogation type scene hint kori thakise.
February te rumor uthise ki Prakash Raj project pora bahar jaise creative difference karone. Kintu actor nijey etu deny kori dise aru koise ki tai laga shoot toh start bhi nohoi hoise.
Add Comment