IMPHAL, March 2: Manipur Governor Najma Heptulla pora koise ki state laga manu khan majote Urdu bhasa toh besi janaidibole laage.
National Council for Promotion of Urdu Language pora Thursday te organise koriya interactive session te kotha koriya samoy te, tai pora koise ki manu khan ke etu bhasa shikibo karne biswas dilaibo laage.
“Juti thik programmes aro policies julaishe koile, Urdu toh manu khan laga bhasa hobole pare,” Heptulla pora koise.
Etu governor pora koise ki Urdu toh Manipur laga jowan manu khan ke shikai ase.
Tai pora council khan ke practical kam koribo karne koise kile koile kono manu khan etu bhasa shiki ase, tai khan dankha kamaibole laga rasta olaibo nimite.
National Council for Promotion of Urdu Language, toh Ministry of Human Resource Development laga nijete ekta autonomous body ase.
Etu Council aalag-aalag scheme laga nije pora pura desh te Urdu bhasa laga promotion, propagation aro development laga kam kori ase.
Tai khan pora kisim laga course shikai aro etiya Union territories milaikena 25 states laga 252 districts te 1,41,683 students ase.
Add Comment