Agencies: Northeast United FC aro ISL final agay te Bengaluru FC khara hoi kena ase.
Friday din te NorthEast United FC laga dosta players aro aro Kerala Blasters FC toh Hero ISL match te draw hoishe. Etu match toh Kochi laga Jawaharlal Nehru Stadium te hoishe.
North East United toh playoff te tai khan laga spot agay para banai kena secure kuri loishe. Etiya north East United toh table te fourth jaga toh confirm kuri loishe. North East United FC toh etiya table te 18 games para 29 points banai kena ase. Semi-final te NorthEast United FC toh Bengaluru FC khilaf te match khelibole ase.
NorthEast United FC aro Kerala Blasters FC para match toh ekdam bhal para khelishe.
NorthEast United FC toh agay para he table te fourth jaga secure kuri kena playoff nimite qualify kurishe.
NorthEast United FC laga centre-back Gurwinder Singh toh 23rd minute te jokom huwa nimite pitch para olaishe.
Jua kali laga match hoi kena NEUFC toh 29 points banabole parishe aro Kerala toh table te 15 points banai kena ninth position te ase.
League phase te duita team nimite last match thakishe.
Etiya March 7 te NorthEast United FC toh Bengaluru FC ke semi-final match te lok kuribole ase.
Dusra semi-final match te FC Goa toh Mumbai City FC khilaf te khelibole ase.
NorthEast United FC toh Bengaluru team khilaf te duibar khelishe. Etu nimite NEUFC toh Bengaluru FC laga tactics aro strategies toh jani ase.
Judi NEUFC toh Bengaluru FC khilaf te match jeetile tai khan desh laga Hero ISL premier soccer tournament laga dream final te pungchi jabo.
Add Comment