Washington, United States : Local sheriff koishe Sunday din te southern US laga Alabama state te tornado para manu bishi murishe aro jaga bhi bishi biya kuri dishe. Etu ghatna te 23 manu murishe, ghas (trees) khan biya kuri dishe, building aro rasta khan bhi bishi biya kuri dishe.
Lee County Sheriff Jay Jones para local CBS affiliate ke koishe unfortunately ami khan laga ginti toh etiya etu samay te 23 para bishi hubo genika ase. Khobor hesab te murija manu khan majote bacha khan bhi ase koishe.
Tai para reporters khan ke olop samay agote koishe ke jokom huwa manu khan toh hospitalize kurishe aro tai khan majote kunba khan toh bishi serious ase.
Ekdam biya conditions khan thaka nimite haraija manu khan ke bisaribole kaam toh Sudnay rati te rukhaishe. Hoile bhi Jones para koishe ke kaam toh dubara Monday fusur para dubara suru kuribo koishe.
Tai koishe etu toofan para jaga toh ekdam bioya kuri dishe.
Jones aro koishe ke toofan para eman bishi manu mura laga experience toh tai 50 years te bhi kura nai koishe.
Jones hesab te etu toofan para biya huwa toh quarter mile (0.4 kilometers) wide aro toofan kot-kot jaishe etu jaga khan sob biya kurishe koishe.
PowerOutage.US laga khobor hesabt te 6,000 opor ghor khan te etiya power nai. Aro Georgia te 16,000 genika ghor khan te power affect hoi kena ase.
Authorities khan para manu mura laga ginti toh aro bhi bishi hubole warn kurishe.
Add Comment