NAIROBI: Monday din te police koishe helicopter crash te charta Americans aro tai khan laga Kenyan pilot murishe. Etu ghatna toh northwest Kenya national park laga remote island te hoishe.
Police koishe Sunday rati aath bagi (8pm) genika te aircraft toh Central Island National Park te gerishe. Aro aircraft te thaka sob manu khan ke murai dishe.
Crash toh ke nimite hoishe etu opor te kotha toh etiya bhi janibole para nai.
Kenya laga National Police Service para tai khan laga Twitter feed te koishe tai khan logote thaka khopbor para janibole parishe ke duita helicopters toh olop samay agote National Park laga Island te thaka Labolo tented Camp te land kurishe.
Police para victims khan laga eku identity diya nai. Tai khan koishe ke sob para poila victims khan laga families khan ke khobor kuribo koishe.
Add Comment