MANILA Jua kali military koishe Philippine troops para teenta suspect te thaka Abu Sayyaf militants ke murai dishe. Etu larai te aro panchta fatalities khi hoishe koishe. Etu ghatna toh remote southern Island te hoishe.

Military laga Western Mindanao Command spokesman Gerry Besana koishe jua kali local time 11:30 am genika te Abu Sayyaf group laga ekso genika members khan logote larai hoishe. Etu toh Sulu province laga patikul town te hoishe. Etu larai toh ketiya tai khan January 27 te church te hamla kuwa manu khan ke bisaribole jaga samay te hoishe.

Abu Sayyaf toh kidnappings aro extremists factions thaka militant organisation ase. Tai khan toh Islamic State in Iraq and Syria (ISIS) logote vafadar (loyal) thaka claim kurishe.

Sulu province toh desh laga Mindanao region te ase. Sulu Province te group laga bishi tagot ase.

Col Besana koishe patikul island laga encounter toh dui ghonta tok hoishe. Etu larai te panchta soldiers aro 15 militants jokom hoishe.

Sulu laga etu khatarnak larai toh Ctholic church te blasts kura pichte hoishe. Etu blasts toh ek hafta agote hoishe. Etu te 22 manu khan murishe.

CNN Philippines para Mr Ano laga kotha quote kuri kena koishe ke desh te etiya bhi kunba foreign attankwadi khan ase.

ISIS para etu suicide bombing laga zemadari loishe.