Agencies: March 31 laga presidential election nimite Ukraine laga Central Election Commission (CEC) toh registration documents accept kura toh complete kurishe. Aro khobor hesab te 83 candidates khan tai khan laga naam dishe.
CEC koishe tai khan 28 applications approve kurishe. Dusra 22 applications reject kurishe aro 33 dusra toh consideration nimite rakhi kena ase.
Current President Petro Poroshenko aro former Prime Minister Yulia Tymoshenko toh presidential election nimite frontrunners hubole ase. Aro dekha hesab te Tymoshenko toh recent polls te imcumbent kuribole osor te ase.
53 year thaka Poroshenko toh January 29th te tai laga candidacy toh announce kurishe. Tai toh dusra panch-saal laga term toh kuribole bisari ase. Aro tai toh desh nimite European Union aro NATO membership nimite press kuribole kosom kurishe.
Pro-European Maidan protests pichete Ukraine laga sob para dhun mau khan majote ekta thaka Poroshenko toh power te ahishe. Aro etu nimite February 2014 te president Viktor Yanukovyck bahar hoishe.
Comedian Volodymyr Zelensky aro former Deputy Prime Minister Yuriy Boyko khan bhi register huwa manu khan majote ase.
Add Comment