New Delhi, 29 May : KD The Devil theatrical release agey bishi controversy face kori thakise song “Sarse Ninna Seraga Sarse (Sarke Chunar Teri Sarke)” karone, especially tai laga suggestive lyrics loina. Film April 30 te theatres te release hoise aru etia OTT te ahibole ase.
Kannada action film June 5 pora ZEE5 te stream hobo. Streaming platform laga official Kannada page new trailer share kori announce korishe ki “The countdown to the Devil’s entry begins.”
Trailer te ek criminal Kali heavy security escort logot dikhai dise, aru tarpor audience ke Kaalidasa alias KD logot introduce kori dise. Promotional material hisab te ekta normal man bishi dangor dangerous situation te phasi jai aru violent revenge path loi jai.
Film ke Prem direct korishe aru Venkat K Narayana produce korishe for KVN Productions. Film te Dhruva Sarja, Kichcha Sudeepa, Sanjay Dutt, Shilpa Shetty, Nora Fatehi, Ramesh Aravind aru Jisshu Sengupta main roles te ase. Trade website Sacnilk hisab te film worldwide around ₹24.19 crore collect korishe.
March month te controversial song release hua pichete criticism bishi barhise. Song te Nora aru Sanjay feature kori thakise aru lyrics ke manu suggestive kuina accuse korishe. Kannada lyrics Prem likhise aru Hindi version Raqueeb Alam translate korishe. Public backlash hua pichete Nora koi dise ki tai shooting time te lyrics laga meaning janianai, aru Raqueeb bhi koi dise ki tai khali translation he korishe.
Hindi version YouTube aru dusra platforms pora remove kori dise aru legal petitions Central Board of Film Certification (CBFC) logot file hoise. National Human Rights Commission (NHRC) aru Haryana, Karnataka State Women’s Commissions bhi matter te intervene korishe. Pichete, Sanjay Dutt aru Nora Fatehi girls’ education sponsor koribole pledge korishe.
