- Adolphe: Western Canada te duinya laga sob para dangor snow laga maze banai kena record bhangaishe. Guinness World Records hesab te etiya laga etu maze para poila laga Canadian record bhagaishe. Etiya laga maze laga size toh 2,789.11 square meters (30, 0021.73 square feet) ase. Etu toh Ontario, Thunder Bay laga Fort William Historical Park te banaishe.
Bishi saal para farmers Clint aro Angie Masse toh faal harvest samay te tai khan laga property te corn maze bana baole ase. Tai khan laga property toh St Adolphe town laga bahar te ase.
Etu duniya laga sob para dangor maze sabole nimite January moina te bishi thanda thakile bhi manu khan etu sabole nimite ahi thakishe. January moina te temperature toh minus 40 degrees Celsius (-40 Fahrenheit) thakishe.
Clint Masse para AFP ke koishe etu toh ekdam asani laga kaam thaka nai. Clint koishe etu maze banabole nimite bishi hafta plan kuribole lagishe aro bishi hazar poisa kharcha hoishe aro borop laga 370 truckloads lagishe.
Clint koishe borop bana toh bishi expensive thakishe. Etu patla borop banabole nimite generators, tractors aro dusra saman, fuel aro hafta opor kaam kuribole lagishe.
Design banabole nimite bhi bishi challenges lok paishe.
Add Comment