AGARTALA | March 6: Congress chief aro AICC president Rahul Gandhi toh ahiya Lok Sabha election nimite Tripura laga rally te March 20 te kotha koribole ase, Tripura Pradesh Congress Committee officials pora koise.
AICC laga President karne juniya bicchete Gandhi laga pohoila Tripura yatra ase.
Tai pora olop din aagete Tripura royal scion(raja) Pradyot Kishore Debbarman ke senior party leader aro purana minister Birjit Sinha logote podli korikena Congress party laga state chief karne junise kile koile party tejosh anibo nimite.
Kam laga routine hisab te, Gandhi toh Pradyot Kishore aro Tripura Pradesh Congress committee leaders logote aalag meeting thakibo etu bicchete Agartala te ahiya Lok Sabha laga election campaign shuru korikena dangor rally te kotha koribo.
Notun state chief junikena, Congress toh besi othise aro purana chief minister aro purana BJP laga health minister Samir Ranjan Barman milaikena konoba senior leaders khan party join korise aro besi manu khan joldi join koribo.
Etiya Tripura te BJP toh asol election log pabo, TPCC leader Rahul Saha pora koise. Hoilebi tai pora koise ki Maharaja Pradyot toh Pradesh Congress committee president howa bicchete regional tribal parties toh aaste pora harai ase.
Government te BJP laga electoral partner, Indigenous Peoples’ Front of Tripura (IPFT) toh etiya Maharaja laga nijete pora Congress ke join koribole dayar ase.
Tripura laga pahar khan te etiya besi khusi ase, kile koile indigenous manu khan pora asol leader paise aro besi jaati manu khan toh etu konoba din bithor te aalag party charikena Maharaja laga nijete ahise, Saha pora koise.
Congress party pora khobor korise ki Rahul Gandhi pora Maharaja pora maatiya ke ahibo koikena manise aro rally te kotha koribole iccha korise, ahiya Lok Sabha election laga aagete local leaders khan majote josh anibole.
Party pora etu bi fesla korise ki AICC general secretary Priyanka Gandhi ke Rahul Gandhi ahiya bicchete te state te rally te kotha koribole anibo koikena. Hoilebi TPCC leaders khan pora koise ki Tripura laga tweita Lok Sabha seats nimite candidates toh manu khan pora monjur koriya hisab te junibole shuru korise.
Etu logote milai kena, BJP aro aalag parties khan pora dangor tribal leaders khan joldi Congress te ahibole ase, tai khan pora koise.
Etu samoy te, tribal autonomous district council (ADC) headquarter Khumlung te Maharaja Pradyot Kishore pora rally te kotha koribole laga jakka te bhujur te manu khan besi jamma korikena thakise.
Add Comment