Santiago Solari pora larai koribole wada korise hoilebi Europe te Real Madrid laga raj toh khotom ase aro Tuesday te Ajax logote 4-1 pora harikena tai khan laga season bi khotom hoise. Saath din bithor te, Madrid toh Copa del Rey, La Liga laga title race aro etiya Champions League laga last 16 pora olai jaise. Tai khan pora champions league toh toh teen bar sitha jitise aro jowa panch saal te jarbar jitise, aro Madrid quarter-finals te punchibole napariya toh 2010 te thakise, etu toh club te Cristiano Ronaldo laga pohoila saal thakise.
Jowa season laga quarter-finals te Ronaldo pora pajaise aro Gareth Bale pora trophy jitai dise, hoilebi Ronaldo toh jaise aro Bale toh shurwat pora kheliya nai, Solari pora namai dise.
Madrid president Florentino Perez toh etiya fesla koribole ase ki Coach ke season khotom howa tak rakhibo na charibo.
Add Comment