Vrindavan, 2 June : Cricketer Virat Kohli etiya professional life te bisi bhal phase te ase. Tai khela team, Royal Challengers Bengaluru, IPL trophy dui saal lagatar jitisey. Jiti thaka pora Virat aru tai laga wife, actress Anushka Sharma logot nachi thaka video aru photo social media te viral hoise. Anushka bhi tai laga husband ke congratulations janai social media te post kori dise, aru itu bhi viral hoise. duijon spiritual side tu bhi embrace kori ase.
Virat aru Anushka ke Vrindavan te Premanand Maharaj laga Radha Keli Kunj Ashram jai thaka dekhi se, aru itu video social media te viral hoise.
Kiman saal pora Anushka aru Virat, Premanand Maharaj laga ashirbad loi ase aru tan logot somoy kati ase. Latest visit te, khobor hisab te, duijon pray dui ghonta ashram te thakise.
Monday dupur te Anushka Sharma Instagram te ekta bhal photo share korisey, kot Virat logot IPL trophy dhori ase aru Virat ke forehead te kiss kori ase, jiman Virat hasi ase. Caption te khali victory sign, ekta heart aru folded hands emoji ase. Photo tu Instagram te post koria 30 minute bhitor te ek million pora besi likes paisey.
Fans khan majot “Virushka” naam te popular thaka itu couple etiya mainly United Kingdom te thake, aru duita baccha—Vamika aru Akaay—ke dangor kori ase.
