June 12, 2026, 6:02 PM: Ek din laga awareness programme loishey, Command Area Development and Water Management (M- CADWM) Modernization laga Scheme under tey, kuntu toh hoiley Council Hall, Beisumpuikam Village, Peren tey para conduct kurishey, 11th June, 2026 tey.
Tai laga inaugural address tey, Peren laga DC- Hiazu Meru para Jal Shakti, RD&GR & WRD laga Ministry ke acknowledge kurishey, M- CADWM toh ekta pilot project hisap loa karney, Jalukiekam aru Beisumpuikam Village nimitey.
Tai para itu tatey thaka participant khan aru farmer khan ke bhi urge kurishey, effective para itu project toh chulaboley, itu bosti manu khan laga aru itu district laga benefit nimitey pura puri.
MCAD Scheme laga SE & Nodal Officer – Er. Khrotso Koza para itu scheme laga implementation strategy aru expect kuri thaka outcome khan laga overview dishey.
Tai para itu irrigation laga development opor tey highlight kurishey, itu state tey, central para sponsor kuria laga scheme khan through para, AIBP aru PMKSY-HKKP nishina para.
Tai para state kurishey, itu scheme toh hoiley bishi dangor irrigation potential, utilization toh komti thaki kena asey, biya jaga, farmer khan komti thaka nimitey, pani komti thaka nimitey thanda din tey aru itu farmer khan bhal para business kurinoley napari thaka para.
Executive Engineer WRD Jalukie, Er. Teiheile Hegeu, para itu welcome address dishey, tai para itu MCAD scheme opor tey kotha kurishey, kuntu under tey, Mongleu-Jalukie cluster toh hoiley select kurishey. Tai para farmer khan ke inform kurishey ki, itu scheme toh hoiley irrigation pani supply kuriboley design kurishey, pressurised pipe khan para aru koishey ki itu para toh hoiley khali irrigation infrastructure ekla nahoi, hoilebi itu para toh hoiley farmer khan ke educate bhi kuriboley asey, barit haka crop production aru market linkage khan opor tey.
WHO Para Awareness Programme Organize Kurishey, M-CADWM Scheme Under Tey, Beisumpuikam Village Tey
