June 21, 2026: Itu School Education laga Department para itu Nagaland Education Project-The Lighthouse (NECTAR) under tey, SCERT para support kuri kena ekta teen din laga Academic Lead Workshop conduct kuria laga thakishey, teacher khan aru school head khan nimitey, sob 17 Lighthouse School Complex khan (LSC) para, 17 para 19 June, 2026 tak tey, SCERT ,Kohima tey para.
Itu workshop toh hoiley itu School Transformation Strategy laga part thaki kena shuru kuria laga thakishey, kuntu toh hoiley itu LSC ‘hub aru spoke’ tey implement kuria laga asey, itu Annual Curriculum aru Pedagogical Plan (ACPP) laga. Kuntu toh hoiley 73 Academic Lead khan nimitey conduct kuria laga thakishey, itu capacity building programme tey ACPP design opor tey, academic monitor kuria nimitey tool khan, itu quarterly mechanism, teacher mentorship, academic aru co-curricular activity khan aru leadership opor tey session khan thakishey alag khan majetey.
Itu inaugural programme laga homoi tey, Directorate of School Education laga Joint Director – Sentinenla para itu workshop laga objective khan introduce kurishey, kuntu khan toh hoiley teach kuriboley aru learn kuriboley , reflection khan inculcate kuriboley aru improvement majbut kuriboley karney asey aru itu future nimitey vision toh develop kuriboley karney.
Tai para state kurishey ki, effective academic leadership toh hoiley sustainable improvement laga engine asey, kiley koiley itu toh hoiley policy translate kuriboley asey, practice tey aniboley, sob school aru classroom khan tey.
