June 21, 2026: Itu National Tobacco Control Programme (NTCP) aru District Tobacco Control Cell (DTCC) laga quarterly meeting loishey, April, May aru June 2026 muhina nimitey, kuntu toh hoiley itu Deputy Commissioner laga Chamber, Zunheboto tey para loishey 19th June tey.
Itu jama kuria manu khan ke address kuri kena, Deputy Commissioner, Zunheboto – Dharam Raj, IAS para ekta aru bhi healthy laga society banaboley akrney education aru awareness laga importance opor tey kotha kurishey. Tai para itu NTCP aru stakeholder khan laga effort khan toh appreciate kurishey, tobacco-free educational institution khan promote kuria tey aru tai para continue community participation thakiboley encourage kurishey, tobacco control initiative khan tey.
Itu meeting laga homoi tey, District Nodal Officer (DNO), NTCP Zunheboto, Dr K.R. Yhome para alag alag activity khan undertake kria laga highlight kurishey, itu district para, itu National Tobacco Control Programme under tey. Tai para inform kurishey ki, NTCP toh hoiley sensitization aru awareness campaign khan opor tey focus kuri asey, itu public ke educate kuriboley karney, itu tobacco khawa para biya effect khan hoa opor tey.
