July 03, 2026: Ekta ek-din laga programme loishey, “Women-Led Rural Enterprises opor tey, ekta Climate-Smart Nagaland nimitey” kuntu toh hoiley itu NBCC Convention Centre, Kohima tey para loishey, 3rd July, 2026 tey. Itu event toh hoiley, itu SELCO Foundation para organize kuria laga thakishey, itu Nagaland State Rural Livelihoods Mission (NSRLM) logotey collaborate kuri kena, climate-smart aru energy-efficient technology khan promote kuriboley karney, Self-Help Group (SHG) members aru rural entrepreneur khan bhitor tey, itu state bhitor tey.
Nagaland laga Chief Secretary – Sentiyanger Imchen, IAS para itu mela inaugurate kurishey, tatey special guest hisap buhi kena. Tai laga address tey, tai para stress kurishey, maiki manu khan ke itu – modern technology, clean energy solutions, financial inclusion aru aru0bhi bhal laga market access logotey equip kuriboley karney, resilient aru sustainable rural enterprise build kuriboley karney.
Itu jama kuria manu khan ke address kuri kena, Imchen para koishey, maiki khan toh hoiley bishi lamba homoi para, Nagaland rural economy laga backbone thaki kena ahi asey aru koishey itu growth laga next phase toh hoiley, innovation, technology aru climate-smart solution para hoa laga hoboley lagey.
