WELLINGTON: Monday din te New Zealand hatiyar dukan laga malik koishe ke suspect toh hatiyar aro guli khan toh online store para kenishe. Hoile bhi hatiyar bika malik koishe ke mosque te chola hatiyar khan genika toh tai para bika nai koishe. Suspect tho ekdam high powr thaka hatiyar khan loi kena Christchurch te thaka mosque te thaka manu khan opor te hamla kurishe.
Australian Brenton Tarrant toh Saturday din manu murai diya khan laga inzam te charge lagaishe. Tai laga umar toh 28 saal thakishe. Tarrant toh etiya police custody te ase aro court te April 5 te wapas anibole ase. Police koishe ke Tarrant opor te aro bhi bishi charges lagibole genika ase koishe.
Gun City malik David Tipple koishe ke etu hatiyar chola manu toh charta hatiyar aro guli khan toh December 2017 para March 2018 majote loishe.
Friday din Christchurch te huwa hamla te Fifty manu khan murishe aro dozens manu khan jokom hoishe. Etu hamla toh duita mosque te hoishe.
Add Comment