Kohima, 16 July 2026: Deputy commissioner Kohima laka B Henok Buche, NCS pra order issued kuri shey containment measure declare kuri kina confirmation hoi kina outbreak laka African Swine Fever (ASF) laka Kohima district laka jaka khan te. Order laka hisap te, laboratory test reports pa Office of the Chief Veterinary Officer, Department of Animal Husbandry & Veterinary Services pra, ASF laka presence confirmed kuri shey Peducha Bosti te, Phezoucha L. Khel aro P. Khel of Kohima Village, aro Razha area Dzü-ü River (NH-29) osor te. Disease laka spread contain kuribo leh, ekta 1-km radius infected jaka pra declared kuri shey Infected Zone hoi kina, aro 10-km radius toh notified kuri shey surveillance zone hoina. Deputy commissioner pra ekta immediate ban imposed kuri shey import, export aro movement opor te live pigs laka aro pork saman laka bitor te, infected aro surveillance zones pra bitor aha ja. Sop pork meat dukan aro butchery dukan designated zones bitor te ordered kuri shey bon thakibo leh further notice tak.
Pig farmers khan ke direct kuri shey visitors restrict kuribo leh taikhan laka farm, farm jaka disinfect kuribo leh regularly, aro immediately report kuribo leh unusual bimar nahoi leh death gowri laka Department of Animal Husbandry & Veterinary Services ke. Order toh mandate b kureh safe burial gowri carcasses laka accordance te official protocols lokot, tadeh carcasses laka dumping mana kuri shey nodi, water bodies aro open jaka te. Public khan ke advised kuri shey hoshiyar thakibo leh aro meat kina aro kha lwa rukabo leh unknown nahoi leh unverified jaka pra. Order toh warned kuri shey violation thaki leh directives laka legal action invite kuribo leh Prevention and Control of Infectious and Contagious Diseases in Animals Act, 2009 under te.
