July 20, 2026: Itu bishi narukhi kena pani giri thaka laga, Mon District tey, alag alag landslide khan hoishey, Mon Town laga alag alag jaga khan tey, 19th July, 2026 tey. Walo ward, 42 AR Camp nichetey, bishi biya para affect hoishey aru rescue operation khan toh hoiley phat para launch kurishey, kuntu tey DEF Mon, SDRF Mon, 42 AR Mon, District Administration aru civil society khan thakishey. Itu Mon Police Station laga OC laga hisap tey, 4 muria body khan toh hoiley recover kurishey, kun khan toh hoiley – Chenwetnyu village laga Toithron, F/37 years; Oting village laga Tingyuh, M/ 16 years; Oting village laga Thankhan, F/48 years; Pongkong village laga Kenlong M/ 33 years, tai khan sob toh hoiley Defence Colony, Walo Ward tey thaki thaka manu khan thakishey. Search aru rescue operation khan toh hoiley itya bhi chuli asey. District Administration Mon para sob manu khan ke inform kurishey, kun khan toh hoiley landslide hoi thaka jaga khan tey thaki asey itu slope thaka jaga, nodi kinar aru alag komjur thaka zone khan tey judi thaki asey koiley jldi para evacuate kuriboley koishey, ekta aru bhi safe laga location tey, ekta precaution loa measure hisap tey.
Mon Town Tey Bishi Alag Alag Landslide Khan Hoishey
