E20 laka opor te Jamela

Ami khan E20  papana peshe danagor ekata korebole hoishe. Peshi manu jani kena ase ke petrol toh pure petrol nahoi. Etu petrol te ajai kali Government laka order hesap te Ethanol melai ase. Bazaar te alak alak kota olai ase. Konba koi ase E20 petrol toh duniya nemete phal ase. Kele koile E20 pertrol jola pora Duniya laka hawa toh letra nahoi. Kon para koi ase E20 petrol jola pora kari peya koi ase.Eteya ami khan sabole to ke ase koile. E20 to hosa pora phal na peya ase. Ami khan ekta phale sai le to phal dekhe ase. Aro eta pale sai le peya. Ami khan ke koi as eke purana kari khan kon toh 15 aro 20 sal purana hoishe etu kari khan toh bazaar pora olai debole lakhe. Kele koile tai khan ethanol tkaka E20 pertol jlai le etu kari khan laka engine aro alak parts khan phe peya hoijabo. Eteya ekata nuton sawla olai ase. Etu ke ase koile. Peshi manu laka hat the purana kari khan ase. Nagaland te peshi mnau business kora khan aka hat te 20sal laka kari, truck khan ase. Aro eto hi pora tai kahn nejur laka family aro business chlai ase. Kolkata te peshi ambastor kari khan ase. Etu khan toh taxi te jolai. Nagaland te peshi Auto wala khan laka kari toh 15 sal pora purana ase. Tai kha phe etu auto phara mari kena family jolai ase. Eteya yati E20 laka petrol dhali le kari laka millage toh kom hoi ase aro engine phe peya hoi ase. Toh sarkar pora kowa toh duniya laka hawa sapha korebole kojis kore ase. Aro etu kora time te E20 olai ase aro public toh loss hoi ase.Hoi E 20 laka aim to phal kam korebole ase. Hoilibhi etu phla kam kora time te peshi mnau khan nejur laka family ke sabole napara hobolase. Sarkar pora E20 petrol aro asle petrol phe bazaar te pekere korele phal hobo. Kele koile peshi manu nuton kari kene bole naparebo. Hoilibhi Purana kari te asle petrol thalebole kepa opai to olapole parebo pare.India neshena desh te Sarkar pora peshi phal kam korebole kojish kore. Hoilibhe Sarkar khan pora kali tail khan laka Delhi laka conditions khan sai. Alak State te kena ase etu toh nasai. Tai khan dusra desh te jai kena pera time te idea phal pabo aro etu dia toh India to cholti shuru korebole kogis koreh. Enaka time te Public khan peshi duk pai. Peshi manu nemete purana kari kon 10 sal nahole 20 sal pura ase etu kari khan to kali akri nahoi. Kon pa nemete toh etu purana kari toh tai laka peshi purana sati takhe. Etu kari te tai peshi dangor kam korebole pareshe. Nahoile etu purana kari pora tail ke peshi puisa punpole motot koreahe. Konbae ke etu purnana kari pora tai laka sob paja khan ke pore bole motot koreashe aro aji tai laka paja khan dnagor manu koishe. Alak desh te 60 sal purana kari khan million pora pekere hoi ase. Aro India te toh bondh he kore ase.Etu E20 petrol pora peshi manu laka sati kon toh purana sati ase tai khan ke mari tebole ase. Aji kali E20 laka opr te peshi khota olai ase. Sarkar pora public he hotike na etu E20 opor te kota kore peshi phal hobo.