August 24, 2026: Ekta send-off ceremony Nagaland laga representative khan nimitey, itu 20th Asian Games, Japan 2026 karney, kuntu toh hoilwy itu Nagaland Cricket Association, Sovima, Chumoukedima laga Conference Room tey para loishey August 24, 2026 tey. Itu Nagaland representative khan itu Asian Games tey maiki player khan asey Menenu Tsukru aru Seyiekhrieno Tepa aru coach khan – Puleno Neikha aru Pungotolu Puro, asey.
Tai khan ke itu Indian Women’s Sepaktakraw Team laga part hoboley select kurishey, itu 20th Asian Games nimitey, kuntu toh hoiley September 19 para October 4, 2026 tak khiliboley laga schedule kuri kena asey, Aichi-Nagoya, Japan tey.
Itu programme tey kotha kuri kena, Chief Minister, Dr. Neiphiu Rio para itu player khan aru coach khan ke congratulate kurishey, tai khan India ke represent kuriboley select hoa karney, itu Asian Games tey. Tai para koishey tai khan laga talent, hardwork aru dedication toh hoiley itu opportunity earn kurishey, itu country ke represent kuriboley, itu national aru international level khan tey. Itu State Government laga aru itu Nagaland laga manu khan laga behalf tey, tai para tai laga best wishes janaishey, itu team ke, tai khan laga future success nimitey.
Chief Minister Advisor & IDAN laga Chairman – Abu Metha para tai laga address tey, itu Chief Minister ke thanks janaishey, tai laga guidance aru support nimitey, itu sports ecosystem majbut kuria nimitey, itu State tey.
