KABUL: Monday te United Nations koishe ke US para Afghanistan te airstikes kura nimite dosta bacha aro dangor manu khan murishe. Etu bahca khan toh eki parivar para thakishe. Khobor hesab te bahca toh saatha thakishe aro teenta dangor manu khan thakishe.
Etu air strike toh Saturday fusur te hoishe. Etu hamal toh Taliban aro US aro Afghan forces khan majote melai kena huwa larai laga hissa ase. Etu larai toh tis (30) ghonta tok chulishe. Etu larai toh Kunduz te hoishe. Kunduz toh northern province te ase. Etu jaga te Taliban khan ekdam tagor ase.
Afghanistan te thaka UN Assistance Mission (UNAMA) para koishe ke bacha aro tai khan laga parivar khan toh larai nimite desh laga alak alak jaga te jai jaishe.
Etu ghatna nimite dusra teenta manu jokom hoishe. Etu ghatna toh Telawka laga osor te thaka Kunduz city te hoishe.
Add Comment