SENTANI: National disaster agency koishe ke komti hoile bhi Indonesia te Papua jag ate bar (flood) aro mati gera nimite 89 manu murishe. Aro bisara (rescuer) khan laga khobor hesab te manu mura laga ginti toh aro bhi uthibole pare koishe. Khobor hesab te aro bhi bishi manu khan harai kena ase.
Etu ghatna te bishi manu khan jokom hoishe aro 6,800 manu khan olop samay nimite banai kena thaka ghor khan te polai jai kena ase. Etu toh Saturday din te aha baris nimite ase.
Sipai khan kichar para lash pa khan toh lash laga bags khan te dishe. Aro pahar para pathor aro ghas khan gera nimite harai kena thaka manu khan ke bisaribole laga kaam toh rukhi kena ase. khobor hesab te 74 manu khan etiya bhi harai kena ase. Aro 150 manu khan genika hardi bhangi kena ase, kati kena ase, aro dusra jokom lok pai kena ase.
National disaster agency spokesman Sutopo Purwo Nugroho koishe ke bishi manu khan toh etu ghatna nimite bishi bhoi lagia nimite ghor bhitor te he lokai kena ase. Aro kunba olop samay nimite banai kena thaka ghor khan toh manu para bhorta hoi kena ase.
Government para Papua te 14 din state te emergency lagaishe.
Add Comment