Kohima, 7 September 2026: Governor of Nagaland, Nand Kishore Yadav, Nagaland GIS & Remote Sensing Centre (NGISRSC) aro Drone Centre of Excellence, Kohima visit kuri shey Planning & Transformation Department, Government of Nagaland under te, 7 September 2026 te. Visit time te, governor ke briefed kuri shey Nagaland laka journey opor te adopt kura drone technology, kun toh shuru hoishey establishment lokot drone unit laka mapping, surveying aro geospatial data acquisition karne. Centre pra etu hoina research aro development program loishey aro collaborate kuri shey various stakeholders lokot, aro government department, gradually regional recognition banai shey UAV training te. Governor ke janai dishey evolution opor te Drone school laka Centre of Excellence te, aimed kura skilled manpower banabo leh aro career pathway khulibo leh employment, entrepeneurship, startups aro public sector UAV deployments te. Drone Centre of Excellence offer kureh etka range specialised programe laka, DGCA complaint Remote Pilot Certificate courses milai kina Small aro Medium category drones karne, training b milai kina First Person View (FPV) operation te, drone repair aro maintenance, GIS drone survey aro mapping, drone cinematography aro hands avionics te. Centre laka contribution highlight kuri kina youth empowerment towards te, informed kuri shey ki Nagaland Skill and Entrepreneurship Development Mission (NSEDM) under te, 70 candidates ke chuni shey training karne Drone centre of Excellence under te. Initiative toh bisareh young manu k equip kuribo leh advanced technology skills lokot same time te self-employment, startups aro employment opportunities promote kuri kina state bitor aro bahar te.
Governor visit kuri shey Nagaland GIS aro remote sensing centre
