Mumbai: Superstar Shah Rukh Khan toh nation te ektam mana kuoribole napariya laga ektam phal social activists ase aro Meer Foundation logot te tai initiative pora bar bar te society phal kuri di ase aro udhai di ase.
Meer Foundation pora International Women’s Day te title ‘ToGETher Transformed’ kuri kena suru kuriya kam te 50 acid attack bpora bachiya khan logot te ektam phal surgeries kurise. Etu March mohina pura toh surgeries te ektam mon di dhakise.
Etu surgeries toh BLK Super Speciality Hospital, New Delhi te aro G.S. Memorial Plastic Surgery Hospital aro Trauma Center, Varanasi te 5th March 2019 te kurise, etu organization khan toh aro dusra surgeries Kolkata te lobole karne dyar kuri ase. Delhi, UP, Bihar, West Bengal, Jharkhand, aro Uttarakhand, laga 85 per cent maiki aro bacha patient khan pora etu initiative laga facilities toh pai kena ase.
Meer Foundation laga kodha te, Shah Rukh Khan pora koise, “Meer Foundation te kuriya kam toh moi laga mon te ektam chuwe dise aro teen sal pora loi kena etya tok moi khan pora etu kam toh kuri kena ahi ase. Meer pora acid attack hadsa howa khan logot te sob ekta hoi kena phal kam kuri kena tai khan logot te tyreatment di kena support kurise. Etu dimag te rakhi kena,moi khan pora nuton initiative ToGETher Transformed koi kena suru kurise aro country te dhakiya laga moi laga partners khan logot te bishi khushi paise –Moi khan laga mon tangor bachiya manu khan, doctors, lawyers, hospitals, NGOs aro nijor monjor kuri kena modot kuribole ahiya khan ke khushi pai ase.
Add Comment