Sir Mick Jagger pora Twitter te fans khan logot te,”Abni khan ke enika niche te namai diya toh moi bhi khin lage” koi kena maaf mangise.
Tai khan toh 29 June te Ontario, Canada te Burl laga Creek Even Grounds te khotam howa biche te tai khan laga No Filter tour 20 April te Florida,Miami Hard Rock Stadium US aro Canada te dibole laga kam dhakise.Hoile bhi, Sir Mick, 75, logot te medics pora tai etya perform kuribole naparibo koi kena kiose hoile bhi tai ki laga bimar hoi kena ase etu laga details toh majane.
Tai pora Twitter te likhise: ” America & Canada te tickets logot te dhakiya moi khan laga fans khan sob logot te moi maaf mangi ase. Abni khan ke enika niche te namai dibole moi bishi khin lage.
“Etu tour postpone kuridiya karne moi bishi mon biya pai kena ase hoile bhi stage te wapas ahibole karne moi pora pariya tok joldi wapas ahibole kosish kuribo.
“Aro bhi sob manu khan ke ektam tangor maaf mangi ase.” Band pora fan khan logot te tai khan logot te dhakiya laga ticket logot te mon shanti pora rukhi dhakibole karne koise kin toh tai khan pora aro date toh aro bonai kena jonai dibole ase. Statement te tai khan pora koise ki “Mick logot te doctors pora etu bar toh tai tour te jabole naparibo koi kena koise,kintoh tai ke medical treatment lagibo koise”. Tai khan pora koise: “Doctors pora Mick logot te koise ki tai pariya tok joldi stage te wapas ahibole karne ektam sabha pora phal hobole phabna te ase.”
Nuton date toh pariya tok joldi kobo koi kena, band pora koise.
Add Comment