‘Avengers: Endgame’ toh etu saal te besi josh pora rukhiya ekta film ase. Etu mohoina khotom te etu film theatre te olaibole pura dayari bicchete, josh toh sobse besi ase. India te etu josh ke aro besi kori diya kotha ekta te etu film laga ekta directors, Joe Russo toh desh te ahise.
Joe pora olop aagete koise ki tai toh India te khatta samoy karne ‘Avengers’ franchise laga fan khan logote logpabo karne jabo. Tai pora kowa kotha nisina, etu filmmaker Mumbai te ponchise aro tai laga fans khan logote ekdam khusi pora noksa loise.
Olop thakikena tai pora Instagram te noksa halikena lekhise ki, “India tour toh MOCHA ase. @arthmumbai te notun saathi khan aro Cap fans khan sob ke dhanyabad. Kiman mocha khaana ase! @chefamnindersandhu. #whereisendgame #avengersinindia”.
Tai laga fans khan logote logpaikena aro kotha korikena, Joe toh tai laga ghor manu khan logote bhal pora desi khaana khaise. India te tai pohoila celebrities khan logote logpowa khan majote AR Rahman thakise.
Add Comment