Chumukedima, 27 October : Nagaland United Sports Club Indian Football League te October 30 pora nijor historic campaign suru koribo. Itu Nagaland laga first club hobo juntu national second-tier football competition te participate koribo. Club tu 2024 saal te establish korise, aru Nagaland Super League laga inaugural season te third position paise.
Nagaland United laga first match Real Kashmir against hobo, juntu Srinagar te khela hobo. Club tu Aizawl FC logot arrangement kori IFL laga sporting rights paishe, aru All India Football Federation itu arrangement approve korise.
Club laga home matches Chumoukedima Football Stadium te khelibo, juntu Nagaland te national league football ahibole ekta dangor opportunity dise. Chief Minister Neiphiu Rio club laga historic entry loi khushi express korise aru hope korise ki team tu state laga young footballers ke national aru international level te jabo karone inspire koribo.
