ADDIS ABABA: Carrier laga CEO koishe ke Ethiopian Airlines toh plane khan crash hoile bhi Boeing opor te bisas kura toh komti huwa nai. Agi-kali majote he Boeing 737 MAX 8 plane crash huwa nimite plane te thaka sob 157 manu khan murishe.
Tewolde GebreMariam para statement te lekhi kena koishe ke moi etu kotha te bishi safa para kubo ke Ethiopian Airlines toh Bopeing opor te bisas kura toh nacharibo. Tai khan ami khan laga saathi toh bishi saal para hoi kena ahi ase.
Flight ET 302 toh March 10 te Nairobi para olai kena olop samay he huwa majopte crash hoi jaishe.
Etu crash toh jua saal October moina te 737 MAX 8 crash huwa pichete ase. Jua saal toh Indonesian Lion Air Jet crashg huwa te sob plane te thaka 189 passengers aro crew khan murishe. Aviation regulators khan toh etu ghatna laga jawab te etu model laga sob plane khan toh tai laga service para rukhai dishe.
Ethiopia laga transport minister koishe ke etu duita ghatna majote melia laga bishi ase. Etu toh kala boxes khan para khobor pa nimite janibole parishe.
Add Comment