Mumbai, 7 November : Bollywood actor Salman Khan tai laga upcoming patriotic film Maatrubhumi: May War Rest In Peace laga “Teri Sexy Beauty” song loi utha criticism uporot response dise. November 7 te film laga trailer launch event te Salman explain korise ki itu song film laga story logot connected ase. Bishi audience question korisil ki patriotic film ekta te romantic song keneka fit hobo pare. Salman koise ki film te tai ekjon jawan laga role play kori ase, aru film laga soldiers khan nijor wife laga beauty aru qualities praise kore. Itu situation te he song ahibo. Salman aru koise ki audience film sai pichete song laga actual context bujhi pabo. Event te Salman Chitrangda Singh laga acting bhi praise korise aru announce korise ki tai khan duijon abar ekta upcoming film te eki logot kaam koribo. Maatrubhumi December 4 te release hobo.
Salman Khan Maatrubhumi laga “Teri Sexy Beauty” song defend korise
