Imphal, November 9, 2026: November 7, Saturday din te. Manipur Police khan para 356 grams laga Heroin drugs paishe koishe. Etu saman khan toh gari laga gearbox bitor te lokai kina paishe koishe. Yete gari Hyundai i20 gari thakhishe. Etu toh Imphal West laga National Highway 102 te thakhishe.
Etu durea toh Manipur Police aru Speacial CDO Unit laga team khan parra Lanthabal Kunja Awang Leikai te kurishe. Police khan laga hisab te. Team khan toh Iland Hospital laga osor te cheacking kurea homoi te. Hyundai i20 laga driver toh rukhea laga signal toh namani kina Canchipur te jai thakhishe koishe. Yete Police team khan para gari ke khitaishe. Yete Driver toh gari chari kina polai jaishe koishe.
Yete SDPO Singjamei thakhi kina gari te bisarishe koishe. Yete bisarea homoi te Police khan para 356 grams laga Heroin Powder toh. Gari laga Gearbox bitor te lokai kina thakhea toh paishe. Etu gari aru saman khan toh Singjamei Police Station khan laga haat te didishe koishe.
Manipur: 356 grams laga Heroin toh Gari laga Gearbox te lokai kina paishe
