Mumbai, 11 November : National Award winning filmmaker Vinod Kapri nijor independent film Pyre ke 99th Academy Awards karone submit korise. Itu film Oscars laga General Entry categories te independent route pora consideration karone pathaise. Film laga story Himalaya te thaka ekta aged couple uporte based ase, juntu nijor chokra wapas ahibo kuina bishi saal pora wait kori ase. Padam Singh aru Hira Devi itu film te main characters play korise. Film 18 international awards jitise, juntu majot 15 Best Film awards ase. Director Vinod Kapri koise ki independent cinema ke nijor quality aru storytelling laga basis te compete kora opportunity dibole lage. Pyre 30 October te Indian theatres te release hoise. Itu film laga Oscars submission important achievement ase, kintu etiya tak nomination confirm huanai. 99th Academy Awards laga final nominations January 2027 te announce hobo.
Vinod Kapri laga Pyre film 99th Academy Awards karone submit korise
