SYDNEY: Ekjun Dutchman pora Sunday te Sydney te electric gari pora 95,000 kilometre (59,000 mile) lamba yatra pura korise, etu toh mousom podli howa ke etu nisina gari pora modot koriye koikena janai dibo karne ase.
Wiebe Wakker pora tai laga “The Blue Bandit” naam laga gari toh 33 desh bar korikena beraise tate tai pora koise ki etu toh electric gari pora duniya te sobse lamba yatra ase.
Netherlands pora Australia tak laga trip toh teen saal laagise aro etu yatra ke duniya bhar laga public porafund korise, tateBandit charge koribo laga electricity, khana aro ghumaibo jakka bi milaikena.
Wakker pora kisim desh aro kisim mousam bar korikena jaise, tate Turkey, Iran, India, Myanmar, Malaysia aro Indonesia milaikena, tate rasta toh tai pora tai laga website powa nisina junise.
Wakker pora koise ki gari podli nakoriya aagete, yatra pura koribole 6,785 litres (1,800 US gallons) petrol lagibo thakise.
Etu modified gari toh single charge te 200 kilometres beraibole paribo, tate Wakker pora koise ki tai electricity te khali US$300 bhelaise, besi bhag toh Australia laga desert te.
Add Comment