Taylor Swift pora tai laga state Tennessee te LGBTQ rights ke support korikena Tennessee Equality Project (TEP) ke $113,000 donate korise. Etu company pora kanun bona khan pora konoba bills khan pass koriya pora rukhaibole kaam kori thakise, etu bills khan ke Taylor Swift aro aalag khan pora “manu ke kheen koriya” koikena maatise.
Etu singer, 29, pora haat pora ekta note lekhise ki kile tai khan pora koriya kaam toh monk e chuwe. TEP laga executive director, Chris Sanders, pora Swift laga chitti laga noksa toh tai khan laga organization laga Facebook page te post korise aro etu singer ke dofa diya nimite khusi powa janaise. “Apuni khan laga kaam dekhikena moi laga mon chuwise, besi bhag pohoila Tennessee faith leaders khan pora legislatures khan logote khilf khara koriya toh,” Swift pora enika tai laga chitti shuru korise.
Sanders pora etu singer ke tai laga donation nimite dhanyabad dise aro noksa logote milaikena lekhise ki, “Taylor Swift toh besi lamba samoy karne LGBTQ community laga saathi thakise. Tai pora moi khan Tennessee te dukh koriya dekhiye aro religious leaders milaikena aalag besi bhal manu khan logote tai laga awaaz toh narukhikena diye ase, kono pora kheen laga jakka te morom laga kotha koriye.” Tai pora Swift laga donation kiman ase etu janai dise.
Add Comment