NATIONAL | April 11:Moments Taijunjun pora illegal bandhuk mariya somoy te khijiya videos aro noksa, taijun pora, taijun pora ektam biswas kuriya sadi khan laga whatsapp group te etu video aro noksa dhalise. Mohina upor te, police official pora etu whatsapp pora bodha noksa aro videos nabowa tok circulating.
Etu videos aro noksa te dhakiya jawan tweijun laga jankari janibole officer pora somoy ulap loise. Hoile bhi police pora Monday te west Delhi laga Dwarka te tweijun ke dhuriya somoy te, taijun logot te noksa te dhuri kena dhakiya eki bandhuk dhuri kena paise.
Police pora dhuri kena dhakiya etu tweita toh 19 umar Salil aro 18 umar Asaf ase koi kena koise. Anto Alphonse, deputy commissioner of police (Dwarka) laga hesab te,etu noksa aro videos toh Salil pora jowa mohina Asaf laga hat pora semi-automatic pistol kiniya biche te bonaise koise.
“Salil toh tainijor ke Bollywood te tai pora khushi bowa artist hesab te ‘Badshah’ madiya khushi pai dhakise. Tai etu bandhuk toh tai laga maiki aro tai laga sadi khan ke dekhabole mon howa pora loise. Tai laga sadi Asaf toh aro illegal bandhuk bekhai ,” DCP pora koise.
Asaf logot te police record dhakiya nai, Salil ke toh 2017 te Dwarka te chor kuriya somoy te private firm laga executive morai diya karne minor te record dhakise, police pora koise. Taijun bhi Dwarka laga Kakrola busti laga manu ase aro school pora dropouts howa manu ase, police pora koise.
Taijun jowa mohina te log kurise. DCP poro koise Sahil pora bandhuk kini bole mon jai dhakise aro Asaf laga bas te ahise, aro Asaf hotai nishina hi pistol aro hand made laga bandhuk pistol loi kena ahise. “Salil pora tweita bandhuk ke bhi check kurise aro semiautomatic wala bandhuk loise,” DCP pora koise.
Etu biche te, Salil pora bandhuk nuton kina laga khushi manabole twei teen round marise. Police pora kosie Asaf pora etu somoy te noksa aro video loise. Etu biche te taijun pora noksa aro video toh tai laga sadi khan logot te kan logot te bhi nabodhabole koi kena bodhaise.
“Ekjun sadi pora mana kuri kena etu noksa aro video ke bodhaise. Etu noksa aro video bowa toh ekun police informer dhakise. Tai pora policeman logot te bodhaise atu biche te Dwarka North police station laga officers khan pora jankari lobole suru hoise.
Etu laga arrests toh Dwarka district te pora hi tweijun manu pora nachi kena bistol mariya laga video aro noksa social media site TikTok te dhaliya ke dhuriya biche te hoise. Etu laga case te, police poar koise ki dhuri kena dhakiya tweijun manu pora taijun logot te konba tangor gangster pora jani kena taijun ke gang te lobo koi kena phabna te kurise.
Add Comment